否認肥腫因懷孕 蔡卓妍下顎有淋巴囊腫

盛傳懷孕的蔡卓妍(阿Sa)憑電影《非分熟女》奪最佳女主角獎,再憑劇集《PTU機動部隊》奪最佳女主角獎,在2019澳門國際電影節頒獎禮同奪影后、視后,可喜可賀!不過盛傳懷孕的她,原來下顎有淋巴囊腫,幸好不是惡性!

被封雙料影視后的她透露曾在澳門與外公外婆在澳門生活過一段很長時間,故每次到澳門表演還是出席頒獎典禮,也感覺到天上的外公外婆一直守護她,她說‌:「今次得獎別具意義。入行多年,試過有唔同嘅提名,亦拎過一啲獎項,呢個代表業界同觀眾對我嘅肯定,但我唔會因為某一、兩個獎就刻意去做唔同嘅演出,獎項永遠無法預測,我只能努力去演好每一個角色,我真心鍾意演戲。」另外,她與鄭秀文(Sammi)合演的電影《聖荷西謀殺案》,被視為明年金像獎大熱作品,阿Sa表示平常心:「Sammi都有同我分享過,無論有冇獎項,我哋都要繼續演好戲,唔好畀自己太大壓力。」

中醫調理

盛傳懷孕的她否認傳聞,指自己下顎有淋巴囊腫:「之前一直覺得下巴腫腫哋,以為自己肥咗,有醫生朋友幫我按過下巴位,初步判斷唔係脂肪、雙下巴,而係摸到有粒嘢,建議我立即去照MRI,起初都有啲擔心,檢驗結果係淋巴囊腫,有兩粒嘢黐住口水腺位置,好彩唔係惡性,起因係免疫系統出錯訊號,我食晒西藥療程,而家搵中醫調理,希望盡快康復。」