靈魂腩汁 佐敦正九清湯腩

一間雲吞麵舖，最緊要一定係嗰煲腩汁！牛腩、牛筋、牛肚、牛什全部都索晒濃郁淳厚嘅腩汁，真係非常滋味，讓味蕾一試難忘！嗰種齒頰留香嘅香味，絕對係佐敦正九清湯腩嘅靈魂所在。

腩汁生菜

平時食郊外油菜通常配蠔油，但嚟到正九清湯腩就梗係改配腩汁。生菜讚油後，加上腩汁，又有另一番風味。

牛肉羹河

牛肉羹都係第一次食，原來係福建嘅名物。先將啲牛肉整碎，用刀背將牛肉敲斷筋，然後整成一小嚿。牛肉非常彈牙，有啲似牛肉球嘅感覺。佢湯底好清，所以特別突出到牛肉羹嘅牛味。