位於將軍澳的日式餐廳，仲要係黃店！店內以雞蛋及簡單食材做主題，特意選用日本空運無菌蛋做出多款蛋料理，如招牌旋風蛋包飯系列、玉子丼系列和半熟玉子蓋飯等。旋風滑蛋就最考廚師功架，廚師需要夾住鍋中央的蛋漿快速轉圈，少點技巧都會失敗！食完可以試埋佢個甜品梳乎厘班戟同雞蛋布丁。梳乎厘班戟厚身輕柔，食落鬆軟無比！
▲吉列大蝦旋風蛋包飯
▲小編認為呢個旋風蛋都幾特別，廚師煎出金黃色且帶有旋風形態，生熟度剛剛好，口感嫩滑，配上一杯凍檸茶就最適合不過~套餐配有前菜、飲品和麵豉湯。
▲滑蛋唐揚雞拼蠔丼，金黃酥脆的外皮，包住鮮嫩多汁的吉列蠔，旁邊配上香口的和風紫菜，呢個滑蛋口感又唔同啦，蛋液呈流動狀態，作為醬汁拌飯一流！套餐同樣配有前菜、飲品和麵豉湯。
▲梳乎厘班戟（朱古力味），有着如棉花般鬆軟的外在，还有朱古力碎碎作為點綴，咬一口新鮮熱辣的梳乎厘配上冰凍的雪糕球，感覺讓人非常放鬆，梳乎厘甜度啱啱好。
玉子造屋
地址： 將軍澳唐德街9號將軍澳中心地下B03C號舖
營業時間： 11:30am- 21:00pm
電話：2395 8844
