爭人錢遭公開追數　張致恒：照顧家庭壓力非常大

藝人張致恒（Steven）前年被爆一腳踏多船，形象插水演藝工作全停，婚後收心養性當好爸爸，當開始讓人改觀之際，又被爆欠債不還錢，遭馮鎵瀠（Naomi）公開追數！

Naomi 於社交網自稱好窮，「究竟幾時可以復工？無限期停業，爭我錢嘅人快啲還錢」，不滿有人借錢不還，但仍有錢買新電器及請工人。

其後 Steven 就出帖承認自己欠下身邊朋友不少債，一年多前因「做錯事」令演藝事業停擺，當時完全無收入，迫於無奈向朋友借錢。他又稱疫情影響下「被炒過好多次」，自己雖想努力工作養家兼還債，但無奈入不敷支，所以無法還錢，「我喺度要同所有借過錢俾我嘅朋友道歉，一直以來我都還唔到錢俾你地真係對唔住，喺嚟緊嘅日子我一定會盡力去工作還錢俾你地！」

Steven 又澄清，工人是兩年前請，而所謂的新電器都是用積分換領，兩個兒子穿的並非名牌衣物，玩具及很多衣服都是婆婆及朋友贈送。他又指自己照顧家庭壓力非常大，已很努力重新做人，「只係希望大家可以俾啲機會我同埋俾啲時間我，我一定唔會再令到大家失望！」

不過債主 Naomi 見到 Steven 的解釋似乎更生氣，直接公開開名回應，怒斥「你係唔係諗住唔還錢？你講過分期還？年半有多，一毫子都無還過（畀）我，之前仲unfollow我ig（Instagram）。」

而藝人 Bob 亦是「苦主」之一，他表示曾借過幾萬予 Steven 應急，雖然對方未還過錢，但自己都無追數，理解 Steven 照顧家庭生活困難。